ایرانوایره چاتان خبره گؤره مدنی فعال و آذربایجان رقصی موعلیمی پیمان ابراهیمی تبریز اینقیلاب محکمهسینین ۱ سایلی شؤبهسینه و تبریز ۲-جی جزا محکمهسینین ۱۱۸ سایلی شؤبهسینه چاغیریلیب.
پیمان ابراهیمی، ایران محکمهسینین الکترون سیستمی (ثنا) واسطهسیله آلینان باشقا بیر بیلدیریشده ۲۰ آذر ۱۴۰۲-جی ایلده "ایران ایسلام جمهوریتینه قارشی تبلیغات" و "سانال اورتامدا قارقاشایا دعوت" اتهامی ایله تبریز ۲-جی جزا محکمهسینین ۱۱۸ سایلی شؤبهسینه و "رهبری تحقیر ائتمک" اتهامی ایله تبریز اینقیلاب محکمهسینین ۱ سایلی شؤبهسینه چاغیریلیب.
پیمان ابراهیمی ۴ شهریور ۱۴۰۲-ده گوونلیک گوجلری طرفیندن حبس ائدیلمیش و ۳ آبان گونو محکمهیه قدر ۳۰۰ میلیون تومنلیک گیروو قویولاراق تبریز مرکزی حبسخاناسیندان مووقتی اولاراق آزاد ائدیلمیشدیر.
ساخلانیلان زامان اونون آغیر شکیلده دؤیولدویو و یارالاندیغی بیلدیریلمیشدیر.
پیمان ابراهیمی آذربایجانلی مشهور ایفاچی آشیق قافارین اوغلودور و آذربایجان رقصی موعلیمیدیر.
یوروم یازماق