کیرمانلی گنج عائلهسینین اون ایکی عضوونو اؤلدوردوکدن بیر نئچه گون سونرا ایران مئدیاسی بو حادثهنین یئنی آیرینتیلارینی یاییب.
اعتماد قزئتی کیرمانین فاریاب شهرینده بیر عائلهنین ۱۲ عضوونون اؤلدورولمهسینین آیرینتیلارینی یایاراق یازیب: تخمیناً اون ایل اؤنجه او زامان اون ایکی یاشی اولان قاتیل باجیسینین آتاسی طرفیندن اؤلدورولمهسینین شاهیدی اولوب. اونون عائلهسینه قارشی غضبینه سبب اولان بو حادثه باش وئرن گون او، آتاسینی، آناسینی، اوچ قارداشینی، ایکی باجیسینی، قارداشینین حیات یولداشی و دؤرد قارداشی اوشاغینی سلاحدان ایستیفاده ائدهرک اؤلدوروب.
بو خبره گؤره، آدی بهرام اولان قاتیل ۲۲ یاشیندا و موعلیمدی و عائله موناقیشهسینده سلاحدان ایستیفاده ائدهرک عائلهسینین ۱۲ عضوونو قتله یئتیریب. هوجوم ائدن شخص حبس عملیاتی و پولیس قوهلری ایله سلاحلی قارشیدورما زامانی گولـلهلهنیب.
بوندان اؤنجه کیرمانین باش حاکمی بیلدیریب کی، ۲۷ بهمن شنبه گونو سحر ساعتلاریندا ۳۰ یاشلی بیر شخص«مزرعه امام» و «ادوری» کندلرینده کلاشنیکف ایله عائلهسینین ۱۲ عضوونو قتله یئتیریب.
اؤلنلردن ۲-سی والیدین، ۳ نفری قارداش، ۲-سی باجی، مرحوملاردان بیری قارداشینین حیات یولداشی، ۴ نفری ایسه قاتیلین قارداشی اوشاقلاذی ایدی.
یوروم یازماق