ماراغا حبس‌خاناسیندا ساخلانیلان تورک مدنی فعال مختار ابراهیمی فیزیکی دورومونون پیس اولماسینا باخمایاراق، لازیمی طبی یاردیمدان محروم ائدیلیب.
بو مدنی فعالین عائله‌‌‌سینه یاخین بیلگیلی بیر قایناق هرانایا بیلدیریب: جناب ابراهیمی بؤیرک پروبلئملریندن اذيت چکیر. بو محبوسون طبی یاردیما احتیاجی اولماسینا باخمایاراق، ماراغا حبس‌خاناسی‌نین ساغلیق ایشچیلری اونا آنجاق آغری کسیجی وئریرلر.
هرانانین یازدیغینا گؤره، محبوسون عائله‌‌‌سی‌نین اونا درمان چاتدیرماسینا باخمایاراق، حبس‌خانا یئتکیلیلری جناب ابرهیمی‌یه بو درمانلاری اونا وئرمیرلر.
مختار ابراهیمی بیر ایللیک جزاسینی چکمک اوچون دونن ۲ بهمن ۱۴۰۲-ده ماراغا حبس‌خاناسینا کؤچورولوب.
سیاسی علملر فاکولته‌سی‌نین اؤیرنجیسی اولان جناب ابراهیمی، ۵ شهریورده مراغه‌ده‌کی ایش یئرینده گوونلیک گوجلری طرفیندن توتولدو و ۲۱ گون تجرید‌خانادا قالدیقدان سونرا ۲۶ شهریورده بو شهرین حبس‌خاناسینا کؤچورولدو و سونوجدا گیروو قارشیلیغیندا سربست بوراخیلدی. موسی ضیاءگرگری ده ۲۶ شهریور گونو سولدوز شهرینده توتولدو و بیر مدت سونرا محکمه‌یه قدر گیروو قارشیلیغیندا سربست بوراخیلدی.
بو آذربایجانلی فعاللار داها اؤنجه‌دا سیویل و دینج فعالیتلرینه گؤره دفعه‌‌لرله توتولوب و حبس اولونوبلار.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق