سیستان و بلوچیستاندان یاییلان شکیللر و راپورلار بو ایالتین چئشیدلی بؤلگه‌لرینده ۱۰ گونلوک داشقین و چایلارین داشماسی سونوجوندا یارانمیش کریتیک دوروما ایشاره ائدیر. راسک کیمی شهرلرده اونلارلا کندین یوللاری هله ده باغلیدیر و ارزاق محصوللاری محدوددور.
بلوچ فعاللاری‌نین کامپانییاسی چارشنبه گونو، ۱۶ اسفند گونو بیلدیردی کی، راسک شهری‌نین پیشین بؤلگه‌سینده، کستگ و زردبنین یوللاری باغلانیب و ایندییه‌دک یوللارین آچیلماسی و یا داشقیندان ضرر چکنلره ده یاردیم ائتمک اوچون هئچ بیر تدبیر گؤرولمه‌ییب.
سیستان و بلوچیستان خبرلرینی ایشیقلاندیران بو مئدیا بو بؤلگه‌ده دوکانلارین ماللاری‌نین، او جومله‌‌‌دن ارزاقلارین توکندیگی و ساکینلرین دورومونو کریتیک اولدوغو باره‌ده خبردارلیق ائدیب.
چارشنبه آخشامی، ۱۵ اسفندده یاغیش و مؤوسومی چایلارین داشماسی ایله باغلی زرآباد شهرینده بیر چوخ یوللار کندلره باغلانیب.
عالی میلی گوونلیک شوراسینا یاخین اولان نورنیوز چارشنبه گونو تصدیقله‌ییب کی، بیر چوخ سو باسمیش بؤلگه‌لره گیریش یوللاری هله ده باغلانیب و ائولرین و اکین ساحه‌‌‌لری‌نین سو باسماسی اینسانلار اوچون چتین دوروم یارادیب.
داشقیندان بیر هفته‌دن چوخ کئچندن سونرا ایسلام جمهورییتی‌نین یئتکیلیلری نهایت بو بؤحرانا تپکی وئردیلر.
چارشنبه گونو دؤولت اورقانلاری طرفیندن خبر یاییلیب کی ابراهیم رئیسی "سیستان و بلوچیستاندا داشقین قوربانلارینا یاردیم دورومونا باش چکمک" اوچون بو ایالته گئدیب.
سیستان و بلوچیستاندا ۶ اسفند گونو باشلایان داشقیندا ۱۰ میندن چوخ اینسان خسارت آلیب.
یاغیشلار سون ۱۰ گونده داوام ائدیب و چارشنبه آخشامی بو عیالتده یئنی یاغیش دالغاسی باشلاییب.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق