ایدمانچی و تورک مدنی فعال کریم اسماعیل زاده (بوکسور) ۲۹ فروردین ۱۴۰۳-ده سحر ساعتلاریندا گوونلیک گوجلری طرفیندن ساخلانیلاراق ۶ آیلیق جزاسینی چکمک اوچون تبریز مرکزی حبس‌خاناسینا کؤچورولوب.
تهدیدلر، چاغیریشلار، دؤیولمه‌لر و حبسلر کئچمیشی اولان کریم اسماعیل‌زاده ۲۵ مرداد ۱۴۰۲-جی ایلده استادیوما داخیل اولارکن گوونلیک ایشچیلری و موغان شهری‌نین مدنی فعاللاری عبدالله انصاری، مهدی نصیرزاده و ابراهیم رضایی ایله بیرلیکده اونون قارشیسینی آلاراق دؤیه‌رک حبس ائتدیلر.
جناب اسماعیل‌زاده ۲۸ مرداد گونو گیروو قارشیلیغیندا تبریز عومومی و اینقلاب محکمهسینین ۱۰-جو شؤبه‌سی طرفیندن محکمهیه قدر سربست بوراخیلمیشدی.
بوندان اؤنجه تبریز اینقیلاب محکمهسینین بیرینجی شؤبه‌سی قرار چیخاراراق کریم اسماعیل زاده‌یه ۶ آی حبس جزاسی وئرمیش، عبدالله انصاری و ابراهیم رضایی آدلی داها ایکی آذربایجانلی مدنی فعالا براعت وئرمیشدی. کریم اسماعیل زاده‌نین ۶ آیلیق حبس حؤکمو دوغو آذربایجان ایالتی‌نین تئمییز محکمهسینین ایکینجی شؤبه‌سینده جناب علیقلی، کریم‌زاده و سلیمان قبایلی طرفیندن تصدیقله‌نیب.
آیریجا بو آذربایجانلی ایدمانچی اورمیه گؤلونون قوروماسینا اعتراض اولاراق ۵ شهریور گونو گوونلیک گوجلری طرفیندن حبس ائدیلیب و ۶ مهر گونو محکمهیه قدر ۶۰۰ میلیون تومن گیروو قویولاراق سربست بوراخیلمیشدی.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق