اردبیل ایالتی‌نین قیزیل آی جمعيتی‌نین باش مودیری دئییب: اردبیلدن آستارایا گئدن حیران آشیریمیندا اتوبوسون آشماسی سونوجوندا ۵ نفر اؤلوب، ۱۸ نفر یارالانیب.
حمید قویدل بازار ائرته‌سی ایرنایا وئردیگی موصاحیبه‌ده بو خبری آچیقلاییب و دئییب: بو بازار ائرته‌سی، ۲۷ فروردین ۱۴۰۳-جو ایلده سحر ساعت ۳:۵۰-ده، پارلا آدلی هتله چاتمادان حیران آشیریمیندا اتوبوسون آشماسیندان سونرا، قیزیل آی قورتاریجیلاری و تعجیلی یاردیم قوه‌لری درحال قضا یئرینه گؤندریلدی.
او آرتیردی: بو قضادا ۵ نفر حیاتینی ایتیردی و بو قضادا یارالانان ۱۱نفر تعجیلی یاردیم اتوبوسو و ۵ تعجیلی یاردیم ماشین ایله اردبیلین فاطمی خسته‌خاناسینا آپاریلدی، باشقا ۷ یارالی ایسه ۴ تعجیلی یاردیم ماشینی ایله آستارانین شهید بهشتی خسته‌خاناسینا آپاریلدی.
اردبیل ایالتی‌نین قیزیل آی جمعيتی‌نین باش مودیری‌نین سؤزلرینه گؤره، بو اتوبوس بو گون سحر ساعتلاریندا دوغو آذربایجان ایالتیندن گیلانا گئدرکن قضا تؤره‌دیب.
دونیا اؤلکه‌لری آراسیندا ایران یول قضالاری‌نین ایستاتیستیکاسینا گؤره بیرینجی یئرده‌دیر.
داها اؤنجه پولیس قوه‌لری‌نین چئشیدلی کوماندیرلری ایران یوللاریندا تئکنیکی پوزونتولار و یا یئرلی کئیفيتی‌نین آشاغی اولماسی ایله باغلی سوسور، بونون اساس گوناهکاری دؤولت قوروملاری اولان قضالارین سببلرینده یالنیز خالقی گوناهلاندیریردیلار.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق