طالبان ایرانا دوه ایخراج ائدیر

ایران-افقانیستان بیرگه اوتاغی‌نین وئردیگی بیلگیلره گؤره، ایرانین اؤتن ایل افقانیستاندان ایدخالی‌نین ديری ۴۲ میلیون و ۶۲۳ مین و ۸۸۵ دلار اولوب.

ایلنانین یازدیغینا گؤره، بو ایدخالا بوتون دوه نؤوعلری، تمیزلنمیش قورغوشون، دامازلیق و اتلیک مال-قارا، قابیغی سویولموش فیستیق، کونجوت، ازیلمه‌میش و اویودولمه‌میش بیبر، منگنز داشی و اونون کنسانتره‌سی، خام فورمادا قیزیل افقانیستاندان ایرانا گلن ماللاردیر.

ایران-افقانیستان تیجارت اوتاغی‌نین معاونی ایرانین افقانیستانا ایخراجی حاقیندا دئییب؛ ایرانین افقانیستانا ایخراجی ۱۴۰۱-جی ایله نیسبتاً ۱۴۰۲-جی ایلده آرتسا دا، میلک سرحدیندن یوک ماشینلاری‌نین حرکتی هله ده یاواش، چتین و باهالیدیر. او، آیریجا ایرانین افقانیستانا ایخراجی‌نین یوزده ۲۰ آرتدیغینی دئییب.

ایران و افقانیستانین بیرگه اوتاغی‌نین آچیقلادیغی ایستاتیستیکایا گؤره، بو ایخراجین رقمی ۱ میلیارد ۶۴۷ میلیون ۱۹۳ مین ۶۴۴ دلار اولاراق قیمتلندیریلیر.