اورمیه حبسخاناسیندا ساخلانیلان سیاسی محبوس حامد قره اوغلانی چارشنبه آخشامی ۱۵ اسفند ۱۴۰۲-ده ۳ میلیارد تومنلیک گیروو قارشیلیغیندا مرخصییه گؤندریلیب.
بو سیاسی محبوس ۲۳ دی ۱۴۰۲-ده خستهلیگینین آغیرلاشماسی ایله باغلی طبی مرخصی وئریلمهمهسینه اعتراض اولاراق بیر نئچه هفته آجلیق آکسییاسینا گیرمیشدی.
جناب قرهاوغلانی ۷ تیر ۱۳۹۹-دا اطلاعات ناظرلیگی طرفیندن حبس ائدیلمیش و بیر نئچه گونلوک سورغو-سؤالدان سونرا ۲۶ تیر ۱۳۹۹-دا اورمیه زیندانینا کؤچورولموشدور و او واختدان بو حبسخانادادیر.
۱۳۹۹-جو ایلین آذر آییندا حامد قرهاوغلانی اورمیه اینقیلاب محکمهسینین ایکی حاکمی طرفیندن ۱۴ ایل بیر آی حبس جزاسینا محکوم ائدیلدی و باشقا بیر حاکم ده اونو اعداما محکوم ائتدی.
۱۳۹۹-جو ایلین بهمن آییندا عالی محکمه ایلک ایکی حاکمین حؤکمونو نظرده توتاراق اوچونجو حاکمین چیخاردیغی حؤکمو لغو ائتدی و بو یوللا ایسلام جینایت قانونونون ۱۳۴-جو مادهسینه اساسلاناراق، اونا ان آغیر جزا، یعنی ۱۳ ایل حبس جزاسی کسیلدی.
حبس ائدیلن بو اؤیرنجی "رژیمه قارشی تبلیغات"، "رهبره اهانت ائتمک" و "موخالیف قروپلارلا ایشبیرلیگی" اتهاملاری ایله جزالاندیریلیر و محکمه سورجینده بو اؤیرنجی بوتون اتهاملاری رد ائدیب.
حبسده اولان بو اؤیرنجی صرع خستهلیگیندن اذيت چکدیگی اوچون ۱۳ ایللیک جزاسینی مرخصی حوقوقو اولمادان چکیردی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق