تورک مدنی فعاللار محمود اوجاقلو، علی رضی زاده، اصغر فرجی و علی رضایی هله ده اوین حبسخاناسیندا مرخصیدن محروم اولاراق ساخلانیلیرلار و گوونلیک قوروملارینین موداخیلهسی ایله بو فعاللارین شرطی آزادلیغا بوراخیلماسی دا رد ائدیلیر.
محمود اوجاقلو، تخمیناً ۱۷ آیلیق حبسیندن سونرا هله ده اوین حبسخاناسینین ۴-جو بندینده مرخصیدن محرومدور و سون هفتهلرده گوونلیک گوجلری طرفیندن یئنی ایش آچیلاجاغی ایله هدهلهنیب.
اوین (تهران) زیندانینین ۸-جی بندینده جزا چکن آذربایجانلی مدنی فعال علی رضی زاده نادارلی بو گونه قدر آزادلیغا بوراخیلماییب و گوونلیک اورقانلارینین پروندهیه موداخیلهسی ایله مرخصیدن ده محروم ائدیلیب.
تهرانین اوین حبسخاناسینین ۸-جی بندینده ۵ ایللیک حبس جزاسینی چکن باشقا مدنی فعال عسکر فرجی حبس مدتینین آز قالا اوچده بیری کئچدیکدن سونرا هله ده طبی مرخصیدن محرومدور.
اوین زیندانیندا محبوس اولان آذربایجانلی مدنی فعال علی رضایی هاواستان، حاضردا بو حبسخانادا ۶ ایللیک جزاسینی چکیر و آتاسینین اؤلوموندن سونرا ۱۴ شهریور ۱۴۰۲-ده توپلام ۵ گونلوک مرخصییه گؤندریلیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق