سیاسی محبوس حسین رزاق ۷۴ شاللاق ضربه‌‌‌سینه محکوم ائدیلیب

اوین حبس‌خاناسیندا جزا چکن سیاسی فعال حسین رزاق آمول حبس‌خاناسینا گئتمه‌دیگی و داوامسیزلیق نه‌دنی ایله ۷۴ شاللاق ضربه‌‌‌سینه محکوم ائدیلیب.

بو حؤکم ۳۰ مرداد ۱۴۰۱-ده آمول شهرینده حبس اولوناراق اوین زیندانینا کؤچورولدوکدن سونرا زیندان جزاسینی چکرکن، یالنیز ۱۴۰۲-جی ایلین فروردین آییندا دورومونون پیسلشمه‌سی ایله باغلی اولاراق بیر نئچه گونلوک طبی مرخصی‌یه گؤندریلدی.

او، عدلی طب قرارینا باخمایاراق، یئنیدن حبس‌خانایا گؤندریلیب. آیریجا، “ایران‌وایر”ین الده ائتدیگی بیلگیلره گؤره جناب رزاق آمول حبس‌خاناسینا گئتمه‌مه‌سی باره‌ده بیلدیریشی اوین حبس‌خاناسیندا آلیب.

تهرانین عومومی و اینقیلاب محکمه‌‌سی بو پرونده‌نی حسین رزاقین حبس‌خانادا اولماسینا باخمایاراق، بهمن ۱۴۰۱-ده آچیب.

جناب رزاقین حؤکمونده دئییلیر کی، “تقصیرلندیریلن شخصله گؤروشون اولماماسی سببیندن” اونون باره‌سینده قیابی محکمه‌‌ کئچیریلیب و بو سیاسی فعال ۷۴ شاللاق ضربه‌‌‌سی ایله جزالاندیریلیب.

۱۴۰۲-جی ایل اسفند آیی‌نین سونوندا حسین رزاقین تلگرام کانالی بو سیاسی محبوسون الاعات ناظرلیگینه مخصوص اوین حبس‌خاناسی‌نین ۲۰۹-جو بندینده دؤیولدویونه گؤره بیر نئچه گوونلیک و عدليه‌‌ رسمیلرینه شیکایت ائتدیگینی بیلدیرمیشدی.

او، اطلاعات ناظرلیگینه اؤزل ۲۰۹ سایلی موحافیظه‌‌‌ بندینه یئر‌لشدیریلیب.

بیلگیلره گؤره، بو سیاسی محبوسو دؤیدوکدن سونرا ۲۰۹ سایلی بندین امکداشلاری اونا ساعتلارلا ایشگنجه وئریبلر.

حسین رزاق “کلاب‌هاوس” سوسیال شبکه‌سینده‌کی “آزادلیق مئیدانی” اوتاغی‌نین تأسیسچیلریندن بیری اید یکی ۱۴۰۰-جی ایلین آذر آیییندا ائوینده حبس ائدیلدی.

او، اوینده حبسده اولان سیاسی محبوسلاردان بیریدیر، کی بیر مکتوبدا سوسیال آٰاشدیرماجی و مدنی فعال سعید مدنی‌نین دماوند حبس‌خاناسینا “سورگون ائدیلمه‌سی” ایله باغلی خبرلری تصدیقله‌ییب و ایسلام جمهورییتی محکمه‌‌ سیستمی‌نین بو حرکتینی پیسله‌ییب.