۱۲ بهایی وطنداش ساری اینقیلاب محکمه‌‌سینه چاغیریلیب

بهایی وطنداشلارا قارشی تعقیب و تضییقلرین آرتماسی‌نین آردینجا ۱۲ بهایی وطنداش اتهاملارا جاواب وئرمک اوچون ساری اینقیلاب محکمه‌‌سی‌نین بیرینجی شؤبه‌سینه چاغیریلیب.

بیلگیلره گؤره، سهراب لقایی، زهرا گلابیان، فواد لقایی، امیلیا فنائیان، حسین فنائیان، نسیم صمیمی، سهیل حقدوست، راکوئل عطائیان، بنفشه اسدیان، کیومرث اکبری، آناهیتا کوشکباغی و ملودی صمیمی آدلی ۱۲ بهایی وطنداش ۲۸ فروردین آییندان ۱۸ اردیبهشته قدر حاکم ذوقی‌نین رهبرلیک ائتدیگی ساری اینقیلاب محکمه‌‌سی‌نین ۱-جی شؤبه‌سی نؤوبه‌‌ ایله اونلارین اتهامینی آنلاتماق اوچون چاغیریب.

ایسلام جینایت قانونونون ۵۰۰-جو ماده‌‌سینه اساساً، بو بهایی وطنداشلار ایسلام قانونلارینا ضد اولان و یا اونو پوزان آزغین بیلگیلندیرمه و تبلیغات فعالیتلرینده اتهام اولونورلار.

قئید ائدک کی، یئنی ایل اؤنجه‌سی یوخاریدا آدی چکیلن پرونده‌دن داها اوچ بهایی‌ ده، حاکم میر قلی نسبین باشقانلیغی ایله ساری اینقیلاب محکمه‌‌سی‌نین ایکینجی شؤبه‌سینده بیلگیلندیرمه فعالیتی اتهامی ایله موحاکیمه‌‌ اولونوب و هر بیری جریمه اؤده‌مه‌یه محکوم ائدیلیب.

حؤکمه اساساً، فارس فنائیان و شیرین کثیری هر بیری ۳۰ میلیون تومن، هومن طائف ایسه ۴۰ میلیون تومن جریمه اؤده‌مه‌یه محکوم ائدیلیب.

سون بیر نئچه گونده اینسان حوقوقلاری ایزله‌مه تشکیلاتی راپوروندا ایران حؤکومتی‌نین سون ۴۵ ایلده بهاییلره قارشی تعقیب و سیستماتیک تضییقلرینی “اینسانلیغا قارشی جینایت” کیمی آدلاندیریب.