سونی بیر روحانی زاهیدان اطلاعات ایدارهسی گوجلری طرفیندن حبس ائدیلیب
زاهیدان اطلاعات ایدارهسینین قوهلری بیر سونی دین خادیمینین ایقامتگاهینا باسقین ائدهرک اونو حبس ائدهرک بلیرسیز یئره آپاریبلار.
بلوچ فعاللارینین کامپانییاسینین راپورونا گؤره، بسم الله خوگیانی آدلی بو دین خادیمی ۱۹ خرداد ۱۴۰۳ شنبه گونو حبس ائدیلیب.
بو خبره گؤره، جناب خوگیانی زاهیدانین کریم آباد شهریندهکی صدیقی مسجیدینین ایمامیدیر و او، داها اؤنجه ایسلام جمهورییتینین گوونلیک گوجلری طرفیندن حبس ائدیلیب.
بلوچ فعاللارینین کامپانییاسی بیلگیلی قایناغا ایستناداً بیلدیریب کی، اطلاعات مامورلاری بو بلوچ روحانیسینین زاهیدانین کریم آباد بؤلگهسیندهکی ایقامتگاهینا باسقین ائدهرک، محکمه قراری گؤسترمهدن و اتهاملاری ایضاح ائتمهدن اونو حبس ائدیبلر.
بو بلوچ دین خادیمینین حبسینین سببی، اتهاملاری و هارادا اولماسی بارهده هئچ بیر بیلگی یوخدور.
بسم الله خوگیانی ۲۷ بهمن ۱۴۰۱-ده ده زاهیدان اطلاعاتی طرفیندن حبس ائدیلمیشدی.
ایراندا “قادین، حیات، آزادلیق” آکسییالارینین باشلاماسیندان سونرا ایسلام جمهورییتی حؤکومتینین سیستان و بلوچیستان و کوردوستان ایالتلرینده سونی دین خادیملرینه قارشی تضییقلری چوخلو آرتیب و ایندییهدک بو دین خادیملریندن بیر نئچهسی حبس ائدیلیب و آغیر حبس جزالاری ایله اوز-اوزه قالیب.
یوروم یازماق