۶۲ یاشلی بهایی وطنداش ناهید بهروزی حبس اولوندوقدان ایکی آی سونرا هله ده کرجدهکی کچویی حبسخاناسیندادیر. آیریجا اصفهانین باهاریستان شهرینده یاشایان ۱۵ بهایی وطنداش دا مهر آیینین ۴-ده اصفهان اینقیلاب محکمهسینین بیرینجی شؤبهسینده موحاکیمه اولونوب.
خانیم بهروزینین عائلهسینه یاخین قایناق دئییب: “ناهید بهروزی چوخ الوئریشسیز یئرده یاشاییر و سون واختلار حبسخانایا درمان (سم پاشی)، وورولماسی سببیندن اونون آسم پروبلئمی کسکینلشیب و یاخینلاری بو دوروما گؤره ناراحاتدیر”.
بو بیلگیلی قایناغین بیلدیردیگینه گؤره، خانیم بهروزینین عائلهسی محکمه و گوونلیک اورقانلاریندان گیروو قبول ائتمک اوچون داواملی جهدلرینه باخمایاراق، اونلارین طلبی یئرینه یئتیریلمهییب.
بازار ائرتهسی، ۸ مرداد ۱۴۰۳-جو ایلده اطلاعات ناظرلیگینین مامورلاری طرفیندن هئچ بیر حؤکم اولمادان کوچهده حبس اولوندو. مامورلار اونون کردج شهریندهکی بنفشه فردیسده اولان ائوینده آختاریش آپاراراق ائوده اولان بعضی شخصی اشیالاری، املاک سندلرینی و قیزیللارینی موصادیره ائدیبلر.
سون بیلگیلره گؤره، بو ۶۲ یاشلی بهایی وطنداش ۲۵ مرداد گونو اطلاعات ایدارهسینین تجریدخاناسیندان کرجدهکی کچویی حبسخاناسینا کؤچورولوب.
یوروم یازماق