سیمنان اینقیلاب محکمهسی انیسا فناییان آدلی بهایی وطنداشی یوخسول عائلهلرین اوشاقلارینا ائیتیم یاردیمی گؤستردیگینه گؤره ۱۶ ایل حبس، پول جریمهسی و سوسیال حوقوقلاردان محروم ائتمه جزاسینا محکوم ائدیب.
خانیم فناییانین قوهوملاریندان بیری ایرانوایره بیلدیریب کی، انیسایا وئریلن آغیر جؤکم یالنیز اونا گؤرهدیر کی، او، یاخشی یاشاییش شرایطی اولمایان و کیفایت قدر شرایطی اولان اوخوللاردا اوخوماقدان محروم اولان عائلهلرین اوشاقلارینا ائیتیم یاردیمی گؤستریر.
سیمنان اینقیلاب محکمهسینین بیرینجی شؤبهسینین حاکمی علی ایثارینین قراری ایله انیسا فناییان اؤلکهنین گوونلیگینی پوزماق مقصدی ایله قروپلاشما یاراتماق اتهامی ایله ۱۰ ایل، تبلیغات فعالیتی اتهامی ایله ۵ ایل و ۵۰ میلیون تومن جزایا و ۱۵ ایل ۵-جی درجه سوسیال حوقوقلاردان محرمییته و رژیمه قارشی تبلیغات اتهامی ایله ۱ ایل حبس، جزاسینا محکوم ائدیلیب.
آیریجا اک جزا اولاراق بو بهایی وطنداشین هر هانسی سیاسی و اجتماعی پارتی و قروپلارا عضو اولماقدان ۲ ایل مدتینه قاداغان ائدیلیب.
بوندان باشقا، یوخلاما زامانی انیسا فناییان قیزینین اوتاغیندان گؤتورولن عائله عضولرینین ۴۳۵۰ دلارلیق شخصی املاکی دا حؤکومتین خئیرینه موصادیره ائدیلیب.
انیسا فناییانین ایکی اؤولادی وار. او، حیات یولداشی ایله ۱۱ ایل اؤنجه ۳ و ۷ یاشلی ایکی اوشاقلاری اولارکن سیمنان حبسخاناسیندا جزا چکیب، ایکی اؤولادی ایسه بیر ایل قوهوملارینین یانیندا والیدئینلریسیز یاشاییب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق