کرج مرکزی حبسخاناسیندا حبسده اولان بهایی محبوس پیام ولی ۱۹ خرداد ۱۴۰۳-ده یالان یایماق ایله اتهام ائدیلهرک کرج اینقیلاب محکمهسینه چاغیریلیب.
بو بهایی وطنداشین محکمه ایجلاسینین تاریخی ۱۹ خرداد ۱۳۶۹-جو ایلده نظرابادین حسین آباد کندینده مسجیدین موللارسینین تحریکی ایله ایکی گنج طرفیندن قویویا آتیلان پیامین یئنییئتمه قارداشی افشین ولینین اؤلدورولمهسینین ایلدؤنومونه تصادوف ائدیر.
پیام ولی ۲ مهر ۱۴۰۱--جی ایلده مهسا حرکاتی ایله عینی واختدا کرجدهکی ایش یئرینده حبس ائدیلدی. او، رئژیمه قارشی تبلیغات آپارماق، خاریجی کاناللاردا بهاییلرین دورومو بارهده دانیشماق و اینستاگرامداکی شخصی صفحهسی واسطهسیله اینسانلاری ایغتیشاشلارا تحریک ائتمک اتهامی ایله ۹ ایل ۹ آی مدتینه آزادلیقدان محروم ائدیلیب، کی بو جزانین ۶ ایلی ایجرا اولونا بیلر.
بو بهایی وطنداش حاضردا کرج مرکزی حبسخاناسینین ۱۵ بندینده جزا چکیر و حبسخاناداکی دورومو بارهده بیلگی وئردیگینه گؤره “یالان یایماق” اتهامی ایله اوزلشیب.
او بوندان اؤنجه بیلدیریلمیشدی کی، کرج اینقیلاب محکمهسینین بیرینجی شؤبهسینین رئیسی و پیام ولینین پروندهسینین حاکمی آصف الحسینی، ائلهجه ده کرج محکمهلرینین موستنطیقی نریمانی بهاییتی کرج و البرز ایالتینده محو ائتمهیه چالیشدیقلارینی آچیق شکیلده بیلدیریبلر.
یوروم یازماق