ایرانوایرین الده ائتدیگی خبره گؤره، ۲۶ شهریور ۱۴۰۳-جو ایل بازار ائرتهسی سحر اطلاعات ناظرلیگینین مامورلاری عینی واختدا حیاتا کئچیریلن عملیاتلا تبریز شهرینده بیر سیرا بهایی وطنداشلارین ائولرینه باسقین ائدیب و آختاریش آپاردیقدان سونرا بعضی شخصی اشیالاری، جیب تلفونلاری و بیلگی سایارلاری موصادیره ائدهرک، بیر نئچه بهایی وطنداشی دا حبس ائدیبلر.
ایندییهدک سینا اقدسی، اعظم آزموده و ایرج نورسته آدلی اوچ بهایی وطنداشین حبسی تصدیقلهنیب.
آیریجا مامورلار شیوا عیسی خانی و نسیم نعیمی آدلی ایکی وطنداشین ائولرینه باش چکیبلر کی، اونلار بو شخصلر ائوده اولمادیغی اوچون اورانی ترک ائدیبلر.
قئید ائدک کی، تبریز اطلاعات ایدارهسینین امکداشلاری بو عملیاتدا اوزلرینی ماسکا ایله اؤرتهرک ائولرین ایچیندن چکیم ائدیبلر.
یوروم یازماق