“کیهان” قزئتی ایراندا فیلترین آرادان قالدیریلماسی ضرورتیندن بحث ائدن یازیسیندا قئید ائدیب کی، فیلتر آرادان قالدیریلمالی، لاکین اویقولامالار ایسلام جمهورییتی حؤکومتی قارشیسیندا جاواب وئرمهلی و سوروملولوق داشیمالیدیر.
بو یازیدا دئییلیر: “میلی گوونلیک و حاکمیت هر بیر ملتین و اؤلکهنین ان سایغین ثروتیدیر. بو سرمایه هئچ بیر شرط اولمادان حراجا چیخاریلیب عجنبیلره وئریله بیلمز. بو، ایستهنیلن اؤلکه اوچون ایلک بلادیر”.
یازار، هر بیر ساغلام دوشونجهلی اؤلکه کیمی بیزیم آغلیمیز، منطیقیمیز و قانونلاریمیزین خاریجی طرفلرله قارشیلیقلی علاقهنی “بیرگه راضیلاشما و آنلاشمانی” (میلی قانونلارا و ماراقلارا اویغون اولاراق) تابع ائتدیگینی وورغولامیش و یازمیشدیر: “مئدیا و اویقولامالار ساحهسینی بو بؤیوک مقصدهاویغونلوقدان کنارلاشدیرماق و موطلق دایاتماغی قبول ائتمک مومکون دئییل”.
یوروم یازماق