کئچن گونلرده هرمزگان ایالتینین عدليه اورقانینین بیر شؤبهسی عطاالله رضوانینین بهایی اولدوغونا گؤره عائلهسینین دیه طلبینه محکمه قارشی چیخیب.
هرمزگان جینایت محکمهسینین بیرینجی شؤبهسینین باشقانی کاظم حسینزاده ایسلام جینایت قانونونون ۵۵۴-جو مادهسینه اساساً، مرحوم عطاالله رضوانینین بهایی اولدوغونو نظره آلاراق، اونون والیدئینلرینین دیه طلب ائتمهسی ایله باغلی چیخاردیغی قرار اساسیندا ، ایسلام جمهورییتی آنایاساسیندا تانینان دینی آزلیقلارا قارشی جینایت موسلمان دیهسی کیمی بللی ائدیلیب و ایران آنایاساسینین ۱۳-جو مادهسینه اساساً، زرتشت، مسیحی و یهودیلر یالنیز دینی آزلیقلاردیرلار، اونا گؤره ده والیدئینلره بیت المالدان دیه اؤدهمک طلبینین رد ائدیلمهسی قرارا آلینیر.
بندر عباسدا یاشایان تانینمیش بهایی و تانینمیش ایش آدامی عطاالله رضوانینین بلیرسیز شخصلر طرفیندن قاچیریلدیقدان سونرا ۱۳۹۲-جی ایل شهریور آییندا گولـلهلندیگی خاطیرلادیلیر. جناب رضوانی بندر عباس بهایی ایجماسینین مودیرلریندن بیری ایدی. ایراندا بهایی تشکیلاتی باغلاندیقدان سونرا او، هله ده شهر بهاییلرینین اعتبار ائتدیگی و مصلحت گؤردویو شخص ایدی، بونا گؤره ده بندر عباس اطلاعات ایدارهسی و جوما ایمامی غلامعلی نعیم آبادی طرفیندن دفعهلرله تهدید ائدیلدی. ۲ شهریور ۱۴۰۲-ده شخصی آوتوموبیلی ایله گئدرکن کوچهده قاچیریلدی و ائرتهسی گون باشیندان وورولان جسدی شهر اطرافیندا تاپیلدی. آوتوموبیلدن نه پول، نه ده باشقا بیر شی اوغورلانماییب، لاکین اونون موبیل تلفونوندان و یا قتل سلاحیندان اثر-علامت یوخ ایدی.
عطاالله رضوانینین قتلیندن اون ایلدن چوخ واخت کئچمهسینه باخمایاراق، پولیس و محکمه اورقانلاری طرفیندن هئچ بیر تدبیر گؤرولمهییب.
یوروم یازماق