اینقیلاب کئشیکچیلرینه یاخین اولان مشرق خبر سایتی اینقیلاب کئشیکچیلرینین اسرائیل اوردوسونا مومکون هوجوموندا ایسلام جمهورییتینین قانونی هدفلریندن بیری کیمی عکاداکی بهایی قیبلهسینی گؤستریب.
۲۴ مهر ۱۴۰۳ چارشنبه آخشامی یاییملانان اؤزل راپوروندا مشرق سایتینین سیاسی بؤلومو ادعا ائتدی کی، ایراندا و خاریجده بهایی ایجماسی بیرباشا اسرائیلین خاریجی اطلاعات سرویسی موساد طرفیندن ایداره اولونور.
مشرق بیت العدل العظمی بهایی ایجماسینین ان یوکسک مرکزی حساب ائتمکده داوام ائدیر، چونکی او، اسرائیلین بؤلگهده و اؤزللیکله ده ایراندا ایجرا ائدیجی قولو اولان اسرائیلده یئرلشیر.
بو مئدیا بهایی قیبلهسینی اسرائیله مومکون هوجومدا ایسلام جمهورییتینین قانونی هدفلریندن بیری آدلاندیریب و هدهلهییب کی، اگر اسرائیل ایسلام جمهورییتینین ارادهسینی سیناماق ایستسه، گؤزل عکا باغی یانمیش تورپاغا دؤنوشهجک.
مشرق، بهاییلرین روضه مبارکه آدلاندیردیقلاری و بهاالله-ین مقبرهسینین یئرلشدیگی عکادا بهایی دینینین قیبلهسی نظرده توتولور.
ایران ایسلام جمهورییتی یاراندیغی گوندن بهاییلرین موقدس و اداری مرکزلرینین حیفا و عکادا یئرلشدیگینه گؤره اونلاری اسرائیلین خئیرینه جاسوسلوقدا اتهام ائدیب.
باخمایاراق کی، اورادا موقدس یئرلر و بهایی ایجماسینین عالی شورالاری اسرائیل دؤولتینین یارانماسیندان اونیللیکلر اؤنجه، حیفا و عکادا عثمانلی امپراتورلوغونون اراضیسینده اولارکن یارادیلیب.
یوروم یازماق