سورگونده اولان گنابادلی درویش ابراهیم اللهبخشینین، شهرکورد ساوجیلیغینین ۵-جی شؤبهسی طرفیندن عائلهسینه تضییق اوچون انون میلّی کودو و اونون آدینا عائلهسینین یانیندا اولان بانک حسابلاری و سیم کارتلاری بلوکلاییب.
جناب اللهبخشی ۱۹ اردیبهشت گونو ایکس حسابیندا اعلان ائدیب، شهرکورد ساوجیلیغینین ۵-جی شؤبهسی منیم آدیمدا اولان سیم کارتلاری، عائلهمین یانیندا اولان منه اؤزل بانک حسابلارینی و میلّی کودومو بلوکلاییب.
بو اینسان حوقوقلاری ساوونوجوسو آرتیریب: داها اؤنجه اطلاعات عائلهمی هدهلهییردی کی، من ایراندا گیزلی یاشاییرام و اؤزومو محکمه اورقانلارینا تحویل وئرمهلییم. بو حرکتلر منیم عائلهمی ناراحات ائتمک اوچون بیر ایشدن باشقا بیر شئی دئییل.
سون گونلر حؤکومت ایراندان کناردا اولان فعاللارا تضییق و تعقیبلری آرتیریب. سون حالدا، کئچن هفته گیلالی ژورنالیست "پویان خوشحال" سورگوندهکی فعالیتینه گؤره حبس و جریمه جزاسینا محکوم ائدیلیب.
یوروم یازماق