محمد خاتمینین سون مجلیس سئچکیلری ایله باغلی رفرمیستلرله گؤروشونده چیخیشینین سیزدیریلمیش فایلی یاییملانیب کی، بو دا اونون ایسلام جمهورییتی سئچکیلرینه قاتیلمایا یاناشما طرزینی ديیشدیگینی گؤستریر.
دونن، جوما آخشامی، ۲۰ اردیبهشتده یاییملانان بو سس فایلدا خاتمی دئییر: ایندییه کیمی یالواریردیق، یالواریردیق کی، بیزه مجلیسده اوچ یئر وئرین، داورانیشینیزی بیردفهلیک ديیشین، آما گؤردوک کی، هئچ بیر فایداسی یوخدور.
بیر نئچه نفرین وارلیغینین هئچ بیر دردین درمانی اولمادیغینی وورغولایان خاتمی دئییر: بیردفهلیک خالقین یانیندا اولاق و دئیک کی، آنایاسا قوروما شوراسی اولانا قدر سئچکیلرده ایشتیراک ائتمهیهجییک.
آنایاسا قوروما شوراسی “مصلحتچی نظارت” پرینسیپینه اساسلاناراق، آدایلارین آدایلیغینی تصدیقه توتموش و سونوجلارین تصدیقی و لغوینه قدر سئچکیلره نظارتی حیاتا کئچیریر. بو شورا اؤزونو قرارلارینا گؤره جاواب وئریجی حساب ائتمیر و بیر نئچه اونیللیکلر ایچینده مصلحتچی نظارت حیاتا کئچیرمکله رفرمیست آدایلارین، مستقل و تنقیدی سیاسی قروپلارین و خادیملرین چوخونون آدایلیغینی رد ائدیب.
آنایاسا قوروما شوراسینین سئچکیلره موداخیلهسی سئچکیلرین رقابتلی یؤنونو ایتیرمهسینه سبب اولوب و اینسانلاردا پراکتیکی اولاراق سئچکی واسطهسیله ديیشیکلیک اومیدی قالماییب. کئچن ایلین اسفندینده ایسلام شوراسی و رهبرلیک اوزمانلار مجلیسی اوچون کئچیریلن سئچکیلرده ایران ایسلام جمهورییتی داخیلی ایشلر ناظرلیگینین رسمی آچیقلاماسینا اساساً، حؤکومتین گئنیشمیقیاسلی تکلیفلرینه و تبلیغاتینا باخمایاراق، ۵۹ سئچیجیلرین یوزده ۵۹ سئچکیلرده ایشتیراکدان ایمتینا ائدیب و اونو بویکوت ائتدی.
یوروم یازماق