۴ اردیبهشت ۱۴۰۳-ده آمریکا خاریجی ایشلر ناظرلیگینین سؤزچونون معاونی ایرانلا نووه آنلاشماسینین جانلاندیریلماسی اوچون دانیشیقلارین باشلاماسی ایله باغلی خبرلری تکذیب ائدهرک دئیب: من ایرانلا ایلهتیشیم یوللاریمیز بارهده آچیقلاما وئرمیرم، لاکین دئمهلییم کی، بیز ایرانلا نیویورکدا و یا باشقا یئرده برجام ایله باغلی بیرباشا دانیشیقلار آپارمیریق.
ودانت پاتل بو جاوابی کویتین الجریده قزئتینین ایرانین عالی میلی گوونلیک شوراسینداکی یوکسک روتبهلی قایناغا ایستناداً وئردیگی خبره گؤره وئریب و بیلدیریب کی، ایسلام جمهورییتی آمریکادان مکتوب آلیب کی، گوونلیک ایله باغلی راضیلیغا گلدیکدن سونرا برجامی جانلاندیرماق اوچون دانیشیقلاری داوام ائتدیرسین.
ایران و آمریکا آراسیندا ۵+۱ قروپو اؤلکهلری ایله "احاطهلی بیرگه فعالیت پلانی"نین (برجام) نووه آنلاشماسینی جانلاندیرماق مقصدی ایله دولاییسی نووه دانیشیقلاری ۱۴۰۱-جی ایلین یایینین سونوندان اعتباراً دایانیب.
آمریکا خاریجی ایشلر ناظرلیگینین سؤزچونون معاونی برجامی جانلاندیرما دانیشیقلاری باغلامیندا ایران حؤکومتی ایله "دولایی دانیشیقلار" اولوب اولماماسیندان ایمتینا ائدیب.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق