حؤکومت کابینهسینین بوگونکو توپلانتیسیندا کئچمیش صمت ناظری و تبریزین مجلیسدهکی کئچمیش ملت وکیلی رضا رحمانی باتی آذربایجانین والیسی اولاراق حؤکومت کابینهسیندن اعتیماد سسی آلیب.
رضا رحمانی ۱۳۴۵-جی ایلده تبریزده آنادان اولوب، تبریز آزاد بیلیمیوردوندا حوقوق اوزره لیسانس، دؤولت یؤنتیلیجیگی و استراتژیک مودیریت اوزره یوکسک لیسانس و ایران صنعت و معدن بیلیم یوردوندا ایسه مودیریت اوزره دوکتورلوق درجهسی آلیب.
رحمانی فعالیتینه صنعت و معدن ناظرلیگیندن باشلاییب، ۱۳۹۵-۱۳۹۷-جی ایللرده صنعت، معدن و تیجارت ناظرینین اورتیم اوزره معاونی اولوب. مجلیسین ۷، ۸ و ۹-جو دؤورلرینده تبریز ملت وکیلی، ۹-جو دؤورده ایسه مجلیسین صنعت و معدن کمیسیونونون باشقانی اولموشدور.
۱۲-جی حؤکومتده حسن روحانینی کابینهسینده ۱۳۹۷-جی ایل آبان آییندان، صنعت، معدن و تیجارت ناظری اولموشدور.
بوندان اؤنجه صادق معتمدیان اطلاعات ناظرلیگینین یوکسک سويهلی حؤکومت مویرلریندن بیری باتی آذربایجانین والیسی ایدی و اینقیلابی قیام زامانی اعتراضچیلاری گولـلهلهمک امری وئردیگینه گؤره ایراندا اینسان حاقلارینی پوزانلاردان بیری کیمی تانینیر.
یوروم یازماق