سیستان و بلوچیستان اطلاعات ایدارهسی بیلدیریب کی، گوونلیک گوجلری بو ایالتده اسرائیلین اطلاعات و اؤزل عملیاتلار قورومو اولان موسادا جاسوسلوق اتهامی ایله اوچ نفری حبس ائدیب.
ایران اطلاعات ناظرلیگیندن وئریلن آچیقلامادا ساخلانیلانلارین میلیتی و نئجه ساخلاندیقلاری ایله باغلی آچیقلاما وئریلمهییب، لاکین اونلارین گیزلی بیلگی و سندلرین یاییلماسیندا الی اولدوغو و محکمه قراری ایله حبس ائدیلدیگی بیلدیریلیب.
بو اعلانین بوتون ایران خبر آژانسلاریندا عینی شکیلده درج اولونماسینا باخمایاراق، ایسلام جمهورییتینین خبر آژانسی اولان ایرنا تقصیرلندیریلن شخصلرین ساخلاندیغی یئرین سیستان و بلوچیستان ایالتینین مرکزی زاهیدان شهری اولدوغونو بیلدیریب.
کئچن ایل دوغو آذربایجان اطلاعاتینین باش مودیری ایالتده چئشیدلی اؤلکهلرین گوونلیک سرویسلری ایله باغلی اسرائیل جاسوسلاری و بیر نئچه جاسوسون حبس ائدیلدیگینی آچیقلاسا دا، یئنه ده بو حبسلرین آیرینتیلارینی آچیقلاماییب.
کئچن ایلین دی آییندا موساد اسرائیلده بئش ایرانلی جاسوسون حبس ائدیلدیگینی آچیقلامیشدی.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق