ایران ایسلام جمهورییتینین جمهورباشقانی مسعود پزشکیان تهراندا اردن خاریجی ایشلر ناظری ایمن الصفدی ایله گؤروشونده اسماعیل هنیهنین اؤلدورولمهسینی “بؤیوک صحو” آدلاندیریب دئییب: اسرائیلین بو آنلامازلیغی جاوابسیز قالمایاجاق.
او، ایسلام جمهورییتینین قوناغی ایدی، و اونون اؤلدورولمهسی “بوتون اولوسلارآراسی قانونلارا ضد حرکت” حساب اولونور.
حماسین سیاسی اوفیسینین رئیسی ایسماییل هنیهنین تهراندا اؤلدورولمهسیندن سونرا بؤلگهده ساواشین یاییلماسی ایله باغلی ناراحاتلیقلار آرتیب و بوندان سونرا ایران حؤکومتی جاواب تدبیرلری گؤرهجیی ایله هدهلهییب.
ایران مجلیسینین باشقانی محمدباقر قالیباف دا دونن مجلیسده هنیهنین اؤلدورولمهسینه ایشاره ائدهرک، ایرانین جاوابینین "چارپیجی و عاغیللی" اولاجاغینی، اسرائیل و آمریکانین ایسه "حرکتلریندن پئشمان اولاجاقلارینی" هدهلهییب.
بِیروتدا یوکسک کوماندیرلریندن بیری اولان فواد شکرین اؤلدورولمهسی ایله لبنان حزباللهی قیصاص آلماقلا هدهلهییب و ساواشین “یئنی مرحلهیه” کئچدیگینی بیلدیریب.
ایران دمشقدهکی کونسوللوغونون هدفه آلینماسینا جاواب اولاراق اسرائیله راکئت و پیلوتسوز آراجلارلا هوجوم ائتمیشدی آنجاق اسرائیل ساوونما مکانیزماسی بوتون راکئتلری محو ائتمیشدی.
یوروم یازماق