مجلیسین کئچمیش باشقانی محمدباقر قالیباف ۱۹۸ سسله یئنیدن ایسلام جمهورییتی مجلیسینین باشقانی اولاراق سئچیلیب. ابراهیم رئیسی ایله بیرلشن ملت وکیللری مجلیسین باشقانلیق هیئتی و قالیبافین یئرینی توتا بیلمهدی.
چارشنبه آخشامی کئچیریلن بو سئچکیده مجلیس باشقانلیغینا آدای اولان مجتبی ذوالنوری و منوچهر متکی سیرا ایله ۶۰ و ۵ سس توپلاییب.
آغ سسلرین سایی ایسه ۲۴-دور.
علی نیکزاد و حمیدرضا حاجیبابایی ۱۲-جی مجلیسده باشقان یاردیمجیلاری اولدولار.
مجلیسین ۱۲-جی دؤنمی بازار ائرتهسی، ۷ خرداد گونو، ابراهیم رئیسی و یانینداکیلارین هلیکوپتئر قضاسیندا اؤلمهسیندن تخمیناً بیر هفته سونرا ایشه باشلاییب.
ان آشاغی ایشتیراک نیسبتی و خالقین گئنیش بویکوت ائتمهسی ایله موشایعت اولونان سئچکیدن مجلیسین بو دؤنمینین ملت وکیللری چیخیبلار.
خالقین پایلاشدیغی بیلگیلر چوخ آشاغی سئچیجینین اولدوغونو گؤسترسه ده، حؤکومت یئتکیلیلری سئچکیلرین یوزده ۴۱ قاتیلیمیندان دانیشیب و بونو قلبه آدلاندیریبلار.
قالیباف سون ۴ ایلده مجلیس باشقانی اولوب و سون گونلر اونون آدی ۱۲-جی مجلیسین باشقانلیغینا آدای نامیزد کیمی حاللانیب. اونون ارکن جمهورباشقانلیغی سئچکیلرینده مومکون آدایلیغی ایله باغلی فرضيهلر ده وار ایدی.
یوروم یازماق