ایسپانییا عالی محکمه‌‌سی چارشنبه گونو ۳۱ فروردینده راکئت اورتیمینده قوللانیلان آوادانلیقلارین قاچاغی ایله بیرلشمیش ملتلرین ایرانا قارشی تطبیق ائتدیگی حربی تحریملری پوزماق اتهامی ایله بیر تورکیه وطنداشینی آمریکایا تحویل وئرمه‌یه محکوم ائدیب.
تورکیه وطنداشی موراد بوکئی اؤتن ایلین سپتامبریندا آمریکا ساوجیلیغی‌نین طلبی ایله بارسلونا هاوا لیمانیندا حبس ائدیلیب.
او، تخمیناً اون ایل اؤنجه بالستیک راکئتلرده قوللانیلان یاناجاق پیللری و بیوسنسورلارینی قاچاق یولو ایله ایرانا کئچیرمکده اتهام اولونور.
ایران او زامان بیرلشمیش ملتلرین سلاح تحریمی آلتیندا ایدی و راکئتلرین اورتیمی اوچون قوللانیلان آوادانلیق و نکنولوژی‌نین ایرانا ساتیشینی قاداغان ائدیلمیشدی. تحریملر ۲۰۲۰-جی ایلده لغو ائدیلیب، آنجاق آمریکانین ایرانا قارشی حربی و اقتصادی تحریملری داوام ائتدیریر.
ایسپانییا محکمه‌‌سی دئییر کی، جناب بوکئی یالاندان آوادانلیقلارین ایرانا گؤندریلمه‌یه‌جه‌یینی ادعا ائدیب. او، آیریجا چرکلی پوللارین یویولماسیندا اتهام اولونور.
تورکیه وطنداشی‌نین وکیلی ده محکمه‌‌ده بیلدیریب کی، آوادانلیق ایرانا گؤندریلرکن او، تورکیه‌ده اولوب و آمریکانین تحریم قانونلاری اونون آمریکایا تحویل وئریلمه‌سینه سبب اولا بیلمز.
موتهیم محکمه قراری ایله آمریکایا تحویل وئریلنه قدر ایسپانییادا حبسده ساخلانیلاجاق.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق