ایرانوایره چاتان خبره گؤره، «کاظم صفابخش»، «سیامک سیفی»، «سامان بیدار» و «سالار مهدیپور»، آدلی ۴ مدنی فعال بیلدیریش آلاراق مشگینشهر عومومی و اینقیلاب ساوجیلیغینا چاغیریلیب.
دادیارینین اوچونجو شؤبهسی طرفیندن وئریلن چاغیریشدا، بو فعاللاردان میلی گوونلیگی پوزماق مقصدی ایله توپلومسال دوزنی پوزماق ایله اتهام ائدیلیر و بو اتهاملارلا باغلی آچیقلاما وئرمک اوچون بئش گون ایچینده بو شؤبهیه گئتمهلری ایستهنیلیب، عکس حالدا حبس اولوناجاقلاری بیلدیریلیب.
بو آذربایجانلی فعاللار ۲۴ تیر ۱۴۰۳ گونورتا ساعتلاریندا ساوالان داغینا گئدرکن شابیل ایستی سو بؤلگهسینده حبس اولونوبلار و بیر نئچه ساعتدان سونرا بوراخیلیبلار.
حبس ائدیلن فعاللاردان جناب صفابخش، سیفی، بیدار و مهدیپور گوونلیک گوجلری طرفیندن خیاو (مشگین شهر) اماکن شؤبهسینه آپاریلیب و تخمیناً ۴ ساعتلیق سورغو-سؤالدان سونرا قئید شرطسیز سربست بوراخیلیبلار.
سون زامانلاردا تورک مدنی فعالارا قارشی حبس، تهدیدلر و چاغیریشلارین آرتماسی ایله یاناشی اوین و تبریز حبسخاناسیندا اولان بعضی محبوسلار آغیر خستهلیکلرینه باخمایاراق طبی درمان آلماقدان محروم ائدیلیبلر.
یوروم یازماق