مجلیس آراشدیرما مرکزینین سون راپورو ایراندا یوخسوللوق سويهسینین آرتماسیندان بحث ائدیر و گؤستریر کی، اؤتن ایل ایرانلیلارین اوچده بیری اؤز اساس احتیاجلارینی قارشیلایا بیلمهییب.
بو راپوردا ۱۴۰۲-جی ایلده یوخسوللوغون سويهسینین ۱۴۰۱-جی ایله نیسبتاً یوزده ۴ آرتاراق یوزده ۳۰.۱ آرتدیغی قئید ائدیلیر.
هممیهن آنلاینا گؤره، بو راپورا گؤره، یوخسوللوق سويهسی سون ۵ ایلده یوزده ۳۰ سويهسینده ثابتلشیب و ۱۴۰۳-جو ایلده ده عینی سويهده قالاجاغی اؤن گؤرونور. یوخسوللوق فرقی ده بو ایل ۰.۰۲۸ چاتیب.
یوخسوللوغون سويهسینین آرتماسی گؤستریر کی، حؤکومتین اؤتن ایللرده حیاتا کئچیردیگی دستک سیاستی اوغورلو اولماییب و یارانهلر بودجهیه بؤیوک یوکه چئوریلیب.
۲۰۱۸-جی ایلده دونیا بانکی اعلان ائدیب کی، ایران اهالیسینین یوزده ۵ (۴۲۰ مین نفره برابردیر) موطلق یوخسوللوق حدینین آلتیندا یاشاییر (گلیر گوندهلیک ۱.۹۰ دلاردان آزدیر). مجلیس آراشدیرما مرکزینین ۲۰۱۷-جی ایل راپورو دا گؤستریب کی، ایرانین عومومی اهالیسینین یوزده ۲۳-۴۰ یوخسوللوق حدینین آلتیندا یاشاییر.
یوخسوللوق حدی، ایراندا بعضی اوزمانلارین یوزده ۳۰-دان چوخ حساب ائتدیگی گؤستریجی؛ بو او دئمکدیر کی، ۲۶ میلیونا یاخین اینسانی احاطه ائدن ایران اهالیسینین یوزده ۳۰-دان چوخو یوخسوللوق حدینین آلتیندا یاشاییر.
یوروم یازماق