پزشکیانین ایجراچی معاونی ایران تلویزیونوداکی وئردیگی موصاحیبهده "ایراندا بِنزینین قیمتینین ایچمهلی سودان اوجوز اولدوغونو" ادعا ائدهرک، بِنزینین حاضرکی قیمتی ایله بودورومون داوام ائتدیریلمهسینین مومکون اولمادیغینی آچیقلاییب.
پزشکیانین ایجراچی معاونی، محمدجعفر قائم پناه، ایران تلویزیونوداکی موصاحیبهسینده اقتصادی پروبلئملره و یوکسک قیمتلره دقت چکرک، یوکسک قیمتلرین سون ایللرده ده داوام ائتدیگینی و بو قیمت آرتیمینین بؤیوک بیر حیصهسینین ایخراجاتدان آسیلی اولدوغونو سؤیلهدی.
🎥 محمدجعفر قائمپناه، معاون اجرایی پزشکیان در برنامه گفتگوی ویژه خبری صدا و سیما مدعی شد که «قیمت بنزین در ایران از آب آشامیدنی ارزانتر است» و اعلام کرد که تداوم وضعیت با قیمت کنونی بنزین ممکن نیست.#اخبار_ایران #اطلاع_رسانی pic.twitter.com/IRsQkraLEf
— ایران وایر (@iranwire) November 20, 2024
ماشینلارین باهالاشماسینا گلینجه، او، بیلدیریب کی، بو قیمت آرتیمی اینسانلارین ناراضیلیغی ایله موشایعت اولونسا دا، حؤکومت اتومبیللرین قیمتینه موداخیله ائتمکدن چکینیب، بو مسئلهنی بازارین عهدهسینه بوراخماق قرارینا گلیب.
محمدجعفر قائم پناه اونو دا بیلدیریب کی، بِنزینین حاضرکی قیمتی چوخ آشاغیدیر و بئله بیر گئدیشاتین داوام ائتمهسی مومکون دئییل. او، بِنزینین قیمتینین آرتیریلماسینین لازیمی واختدا ائدیلمهلی و از گلیرلی طبقهنین معاشلارینین آرتیریلماسی ایله موشایعت اولونمالی اولدوغونو وورغولاییب.
یوروم یازماق