فروردینده کیرایه قیمتینین یوزده ۴۵-دن چوخ آرتماسی، یعنی کیرایهچیلرین ائو دییشدیرمهسینه بیر آی قالمیش بو بازارین بو آیلاردا چوخ ایستی اولاجاغینی گؤستریر.
خبر آنلاین سایتینین یایدیغی بیلگیلره گؤره، بو ایلین ایلک آییندا یاشاییش بیناسینین هر مترینین آلقی-ساتقی قیمتی کئچن ایلین عینی آیی ایله موقایسهده یوزده ۲۲ آرتدیغی حالدا، کیرایهلر یوزده ۴۵.۲ تورم ایله اوزلشیب.
بو ایستاتیستیکلر تکجه کیرایهلرین قیمتده کسکین آرتیم اولاجاغیندان ناراحات اولماسینا سبب اولمور، هم ده بو ساحهده رئیسی حؤکومتینین یانلیش سیاستلرینین ایرانلی عائلهلر اوچون ائو قیمتلرینین بؤیوک پروبلئمه چئوریلهجهیینی تصدیقلهییر.
ایستاتیستیک راپورلار گؤستریر کی، کیرایهچیلرین یاشادیغی تورم سويهسی اؤلکهدکی عومومی تورمدان یوکسکدیر. باشقا سؤزله، اسفندده اؤلکهده عومومی تورم یوزده ۴۵ اعلان ائدیلیب، ایجاره تورمو ایسه بو رقمدن تخمیناً یوزده ۴ یوکسکدیر.
یوروم یازماق