ایرانوایره چاتان خبره گؤره تورک مدنی فعالی جمشید عزیزی ننهکران ۱۸ اردیبهشت ۱۴۰۳-ده آستارا شهرینین حؤکم ایجرا شؤبهسینه گئتدیکدن سونرا حبس ائدیلیب و آذربایجانین بو ساحل شهرینین مرکزی حبسخاناسینا کؤچورولوب.
جمشید عزیزی ننهکران آستار شهر جزا ایجرا شؤبهسینده گؤرونمزدن اؤنجه ویدئو یاییملایاراق موکممل فیزیکی و روحی ساغلاملیغینی آچیقلاییب.
جناب عزیزی ننهکران “اؤلکهنین گوونلیگینه قارشی جینایت تؤرتمک اوچون توپلاشماق و البیر اولماق” اتهامی ایله ۳ ایل ۶ آی ۱ گون، “ایسلام جمهورییتینه قارشی تبلیغات فعالیتی” اتهامی ایله ایسه ۷ آی ۱۶ گون مدتینه آزادلیقدان محروم ائدیلیب. گیلان ایالتینین تئمییز محکمهسینین ۱۱-جی شؤبهسی ایلکین محکمهنین قرارینی تصدیق ائدیب و ایسلام جینایت قانونونا اساساً ایجرا اولونا بیلن ان آغیر جزا ایجرا اولوناجاق.
بو تورک مدنی فعال ۲۷ فروردین ۱۴۰۳-جو ایلده گوونلیک گوجلری طرفیندن حبس ائدیلمیش و ۴۰ گونلوک سورغو-سؤالدان سونرا بیر میلیارد تومنلیک گیروو قارشیلیغیندا سربست بوراخیلمیشدیر کی گوونلیک گوجلریندن گلن تهدیدلر اوچون عائلهسی بیلگی وئرمکدن چکینمیشدی.
یوروم یازماق