سون ۱۲ ایلده ارزاق و منزیل قیمتلرینین کسکین آرتماسی ایله بیر چوخ اینسان آلیجیلیق قابیلیتینی ایتیریب و ایراندا یوخسوللارین سایی چوخلو آرتیب و رسمی ایستاتیستیکا گؤستریر کی، ایرانلیلارین یوزده ۳۰ یوخسولدور.
بو راپورا اساساً، تهراندا اورتالاما یاشاییش خرجی ۳۳۰ میلیون تومنه چاتیب و فارس و البورز ایالتلرینین شهرلری سونراکی سیرالاردادیر. ۱۸۳ میلیون تومنله کندلرده یاشاییش خرجی بوشهر ایالتینین کندلری ایله باغلیدیر.
امک و سوسیال ریفاه ناظری احمد میدری دئییب: ۱۳۸۰-جی ایللرین اورتالارینا قدر بیزده موطلق یوخسوللوق تخمیناً یوزده ۱۲-۱۵ ایدی، ۹۰-جی ایللرین اورتالارینا کیمی تحریملرین بیرینجی دالغاسیندان سونرا تخمیناً یوزده ۲۰ چاتدی، لاکین تحریملرین ایکینجی دالغاسینین باشلاماسی و کسکین تورم ایله بو، داها دا آرتدی و ۱۳۹۷-جی ایلدن کسکین شکیلده آرتدی و و یوزده ۳۰ چاتدی.
ایران ایستاتیستیکا مرکزینین راپوروندا سون بیر نئچه ایلده ارزاق محصوللارینین قیمتلرینین کسکین آرتیمیندان و قیمتلرین ۱۳۹۶-جی ایلدن ۱۴۰۳-جو ایله قدر کسکین درجهده آرتماسیندان بحث ائدیلیر. وئریلن بیلگیلره گؤره، دویونون قیمتی تخمینا ۱۲ مین ۵۰۰ تومندن ۱۱۲ مین تومنه، قویون اتی ۳۶ مین تومندن ۵۹۰ مین تومنه یوکسهلیب.
ایستاتیستیک ثبوتلار گؤستریر کی، ارزاق قیمتلرینین آرتماسی ایله عائلهلر اؤز توکتیملرینی آزالتماغا مجبور اولورلار.
رسمی بیلگیلره گؤره، قیرمیزی ات و تویوق اتینین اورتالاما توکتیمی کسکین شکیلده آزالیب.
یوروم یازماق