مسعود پزشکیان دونن آخشامکی چیخیشیندا بِنزینین قیمتینین آرتماسینا گؤره مسئلهنی مجلیسین اوزرینه آتاراق مجلیس ارز وئرمسه، بِنزینین باهالاشاجاغینی دئسه ده، بو گون مجلیس باشقانی مجلیسین بو مسئلهیه گیرمهیهجهیینی آچیقلاییب.
ایسنا-نین وئردیگی بیلگیلره گؤره، مجلیسین باشقانی محمد باقر قالیباف دونن، چارشنبه آخشامی آچیق ایجلاسدا نفت ساتیشیندان الده ائدیلن گلیرلر ایله باغلی دئییب: “بِنزینین قیمتینی بللی ائتمک صلاحیتی هله ده حؤکومتین الیندهدیر و مجلیس حؤکومته عینی واختدا بونو ائتمک صلاحیتی وئریب. حؤکومت بِنزینین قیمتینی قئید ائتدیگی کیمی قویسایدی، بو ایل بو پروبلئملرله اوزلشمزدیک. اونا گؤره ده حؤکومت اؤز ایشی ایله مشغول اولسون، بیز بو ایشه قاریشمایاق”.
مجلیسین باشقانی وورغولادی کی، “ایندی تهاتر مسئلهسی ده وار، بیز بونا قطعی اولاراق قارشیییق”.
قالیبافین سؤزلرینه گؤره، قانونون ۱-جی مادهسینین الف بندی حؤکومتی بئشینجی گلیشمه پلانینین سونونا قدر فارس کؤرفزیندهکی گمیدهکی قیمته نفت محصوللارینین قیمتینی تعیین ائتمیی عهدهسینه گؤتورور.
یوروم یازماق