اصفهان تیجارت اوتاغینین رئیسی حؤکومتین قیمتلره موداخیلهسی سونوجوندا اورتیم و توکتیمین پوزولماسینا توخوناراق دئییب: سو قیتلیغی اولان ایران قارپیزین ان آشاغی قیمتینه مالیکدیر و بو محصولون اورتیمی اؤلکهیه ایللیک ۷ میلیارد دلار اقتصادی ایتکی وئریر و بو ایتکی اؤلکهنین ماليه و سو رزرولرینه وئریلن ایتکیلردن آیریدیر.
تجارتنیوزون یازدیغیما گؤره، امیر کشانی تیجارت اوتاغینین نومایندهلرینین ایجلاسیندا بیلدیریب کی، حاضردا او، انرژی بالانسسیزلیغی، سو بؤحرانی، مجبوری قیمتلر، صنایعلرین دنیزه کؤچورولمهسی امرلری، کؤچ، امکلیلیک فوندلارینین ایفلاسی، بانکلار، یاتیریم اورانلاری، سانکسییالار، FATF، یاشلانان بیر اهالی کیمی پروبلئملرله قارشی-قارشییاییق.
او، قارپیزین قیمتینی تنقید ائتدیکدن سونرا حؤکومتین قیمت پروبلئملرینه داها بیر میثال چکرک دئدی: “مثلا، کبابین قیمتی اینسانلارین حرام یئمهسینه سبب اولوب، تسعیر ده شریعته گؤره حرامدیر”.
ایران تیجارت اوتاغینین عضوو وورغولادی: “امری قیمت قویما تورم، یاتیریم سیخیشدیریلماسینا، سرمایهنین آشاغی گلیرلیلیگینه و یاتیریمین گلیرلیلیک درجهسینین آشاغی دوشمهسینه سبب اولوب، آیریجا بیلیکلره اساسلانان اقتصادياتا و یارادیجیلیق موتیواسییاسینا ائتکی ائدیب”.
یوروم یازماق