اکسیوس سایتینین اسرائیللی ژورنالیستی باراک راوید سیانان موصاحیبهسینده دئییب کی، اسرائیلین ایسلام جمهورییتینه هوجومو سادهجه الوئریشسیز هاوا دورومو نهدنی ایله تاخیره سالینیب و یقین کی، بو هفته حیاتا کئچیریلهجک.
۲ آبان ۱۴۰۳-جو ایل چارشنبه گونو فارس ایالتینین ۱۵ مین شهید کنگرهسینین تشکیلاتچیلاری ایله گؤروشونده خامنهای ۷ اکتبردا حماسین اسرائیله هوجوموندان سونرا باش وئرنلره توخوناراق دئدی: "مقاومت و اونون سیدحسن نصرالله و سنوار کیمی بؤیوکلرینین موباریزهسی بؤلگهنین طالعیینی ديیشدی."
او، چیخیشیندا اسرائیلدن قیصاص آلماغی خاطیرلاتماییب، عینی زاماندا، اسرائیلین ایسلام جمهورییتینه گؤزلهنیلن هوجومو بارهده هئچ نه دئمهییب.
اسرائیلین ۱۳-جو کانالی دا دونن بیلدیریب کی، بازار گونو اؤلکهنین سیاسی و گوونلیک کابینهسی ایسلام جمهورییتینه قارشی چوخ بؤیوک بیر هوجومون حیاتا کئچیریلهجیی اعلان ائدیلیب.
بو خبره گؤره، اسرائیلین ایرانا هوجومو اوچون حاضرلیقلار داوام ائدیر و اسرائیلده تاد راکت ساوونما سیستمینین قوراشدیریلماسی تاماملانیب.
کانال ۱۳ آرتیریب کی، اسرائیلین حسابلامالارینا گؤره، ایسلام جمهورییتی بو هوجوما سرت جاواب وئرهجک.
یوروم یازماق