۱۴۰۲-جی ایلین خردادیندا گرمی و بیله سوار شهرلرینده ۲۰-دن چوخ کندینده باش وئرمیش داشقیندان بیر ایلدن چوخ واخت کئچمهسینه باخمایاراق، آذربایجانین بو بؤلگهلری و سئل قوربانلاری چاره سیز قالیب.
آذربایجان مئدیالارینین وئردیگی بیلگیلره گؤره،بو بؤلگهلرده یاشایان ساکینلرین داغیلمیش ائولرینین دوزلمهسی اوچون یئتکیلی قوروملار طرفیندن هئچ بیر تدبیر گؤرولمهییب و ایلهتیشیم یوللاری داغیلمیش شکیلده بوراخیلمیش.
بیر چوخ بؤلگهده سو تجهیزاتی شبکهسی هله ده حیاتا کئچیریلمیر و اینسانلار تانکر سویوندان ایچمک و چیممک اوچون ایستیفاده ائدیرلر.
گرمیدن بیله سوار و عکسینه ترانزیت یولوندا کئچن ایلکی داشقین سونوجوندا تامامیله داغیلمیش اینجیللی کؤرپوسونون تیکینتیسی هله ده باشا چاتماییب.
بؤلگهدن یاییلان شکیللر و ویدئولار حؤکومتین و یئتکیلیلرین داشقیندان ضرر چکنلره دقتسیزلیگینی، کند ساکینلرینین جدی ناراضیلیغینی گؤستریر.
گرمی بؤلگهسیندهکی ۲۰-دن چوخ سو باسمیش کنددن یالنیز کمرقیه و میکائیل درهسی آدلی ایکی کندده تیکیلن ائولر هلهده یاریمچیق قالیب.
یوروم یازماق