ایران‌وایره چاتان خبره گؤره تورک مدنی فعاللار سالار طاهرافشار و سعید مینایی اوین تجرید‌خاناسینا کؤچورولدوکلری باره‌ده عائله‌‌‌لرینه بیلگی وئریبلر.
۱۷ بهمن ۱۴۰۲-ده اورمیه و بناب شهرلرینده گوونلیک گوجلری طرفیندن حبس ائدیلن سالار طاهرافشار و سعید مینایی ۲۱ بهمن گونو عائله‌‌‌لری ایله قیسا گؤروش زامانی تهرانین اوین تجرید‌خاناسینا کؤچورولدوکلرینی آچیقلاییبلار.
جوما گونو ۲۰ بهمن ۱۴۰۲-ده رسام و تورک مدنی فعال مرتضی پروین ده قیسا زنگ زامانی اونون اوین تجرید‌خاناسینا کؤچورولمه‌سی باره‌ده بیلگی وئریب. او ۳۵ ثانیه‌‌لیک زنگده تضییق و سورغو-سؤال آلتیندا اولدوغونو و باشینا گلنلرین مسوولیتی‌نین گوونلیک گوجلری اوزرینه دوشدویونو بیلدیریب.
هله‌لیک اردبیل، رشت، اورمیه، تبریز، اسلامشهر، آستارا و کرج شهرلرینده تورک مدنی فعاللار مرتضی پروین، ودود اسدی، سالار طاهر افشار، سعید جمالزاده ، باقر حاجی زاده، آیاز سیف خواه، سعید مینایی، کمال نوری، آراز امان، طاهر نقوی وعبدالله واحدی ۱۶-۱۷-۱۸ بهمن ۱۴۰۲-ده گوونلیک گوجلری طرفیندن حبس اولونوبلار. حبس ائدیلن فعاللارین بعضی یاخینلاری بو فعاللارین حبس زامانی گوونلیک گوجلری طرفیندن دؤیولدویونو بیلدیریبلر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق