ایران‌وایره چاتان خبره گؤره، باقر حاجی زاده، آیاز سیف خواه، کمال نوری و سعید جمالزاده ۱۶و ۱۷ بهمن ۱۴۰۲-ده گوونلیک گوجلری طرفیندن حبس ائدیلیبلر. سون ایکی گونده حبس ائدیلن تورک مدنی فعاللارین سایی ۸ نفره چاتیب.
باقر حاجی زاده، آیاز سیف خواه و سعید جمالزاده تبریز شهرینده، کمال نوری ایسه تهران ایالتی‌نین اسلامشهر شهرینده گوونلیک گوجلری طرفیندن حبس ائدیلیب.
جناب جمالزاده‌نین حبسیندن سونرا گوونلیک گوجلری آتاسی‌نین ائوینه گئده‌رک و هده قورخو یاراداراق ائوده آختاریش آپاریب و بو آذربایجانلی فعالین شخصی اشیالارینی، او جومله‌‌‌دن موبیل تلفونونو و بیر نئچه کیتابینی گؤتوروب آپاریبلار.
داها اؤنجه ده ایران‌وایر گوونلیک گوجلری‌نین تورک مدنی فعاللار سعید مینایی‌نی بناب‌دا و ودود اسدی‌نی رشت شهرینده، سالار طاهرافشارین باتی آذربایجانین اورمیه شهرینده و مرتضی پروین جدا‌نین اردبیل شهرینده حبس ائدیلدیگینی یازمیشدی.
بو خبر یاییلانا قدر بو وطنداشلارین حبسی‌نین سببلری، حبس ائدن قوروم و هارا کؤچورولدوکلری باره‌ده هله ده بیلگی یوخدور.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق