ایران وایره چاتان خبره گؤره تورک مدنی فعال سالار طاهرافشار، ۲۷ فروردین ۱۴۰۲ بازار ائرته‌سی، بیلدیریش آلاراق اوین محکمه‌‌سینه چاغیریلیب.
بو چاغیریشا اساساً، جناب طاهرافشاردان توپلاشماق و داخیلی گوونلیگه قارشی ال بیر اولماق اتهامی ایله باغلی سون ساوونماسینی آلماق اوچون بئش گون ایچینده بو شؤبه‌یه گئتمه‌سی ایسته‌نیلیب.
جناب طاهر افشار ۹ اسفند ۱۴۰۲چارشنبه گونو ۸۰۰ میلیون تومنلیک گیروو قارشیلیغیندا اوین ایستینطاق تجرید‌خاناسی‌نین ۲۰۹-جو بندیندن محکمه‌یه قدر مووقتی اولاراق سربست بوراخیلمیشدی.
بو آذربایجانلی فعالین حبس کئچمیشی وار. او محکمه ضابیطلری طرفیندن ۳۰ فروردین ۱۴۰۰-ده آتاسی‌نین ائوینده توتولدو و بیر ایل حبس جزاسینی چکمک اوچون اورمیه مرکزی حبس‌خاناسینا کؤچورولدو.
سالار طاهر افشار، ۲۸ تیر ۱۴۰۰-ده جزاسی‌نین سونونا قدر الکترونیک آیاق قاندالی ایله اورمیه مرکزی حبس‌خاناسیندان سربست بوراخیلمیشدی.
داها اؤنجه‌ده سالار طاهر افشار، ۲۶ تیر ۱۳۹۹-دا جوما آخشامی گونو، ایکینجی قاراباغ ساواشی زامانی اورمیه شهری‌نین اطلاعات و گوونلیک پولیسینه (۹ پله) چاغیریلدیقدان سونرا توتولدو و ۳۱ تیر ۱۳۹۹-جو ایلده محکمه‌‌نین سونونا قدر ۵۰ میلیون تومن گیرووو قارشیلیغیندا مووقتی اولاراق سربست بوراخیلدی.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق