مجبوری حجابا عمل ائدیلمهدیگی اوچون عومومی یئرلرین مؤهورلنمهسیندن سونرا تهرانین ۸-جی بؤلگه ساوجیلیغینین امری ایله ماندانا سینماسی حجابا عمل ائدیلمهدیگی اوچون مؤهورلهنیب.
ماندانا سینماسینین مودیری محمد قاصد اشرفی بو سینما مؤهورلهدیکدن سونرا دئدی: بوتون تاماشاچیلارا نظارت ائده بیلمهمیز ایمکانسیزدیر.
او آرتیردی: شنبه گونوندن اعتباراً بؤیوک تهرانین ۸-جی بؤلگه ساوجیلیغینین امری ایله شکاری ۶ نبرد اخلاق پولیس مرکزی ماندانا سینماسینی مؤهورلهییب. پولیس بو سینمانین مؤهورلنمهسینین سببینی تاماشاچیلارین حجابسیز اولماسیندان اؤتورو اولدوغونو دئییب و بیزه ۱۲ یاشلی قیزین قیسا شورت گئیدیغی و باش اؤرتوسونونو اولمادیغی و بیر قادینین دا حجابسیز اولدوغو ایکی فوتو گؤستریب.
ماندانا سینماسینین مودیری آیریجا دئدی: ماندانا سینماسینین ۲۲ یاخین امکداشی وار و معجزه عشق فیلمی ماندانا سینماسینین اؤنجولویونده اکرانا چیخاجاق. ماندانا سینماسینین مؤهورلنمهسی بیزه بؤیوک زیان وورور.
جناب اشرفی آرتیردی کی، بیز ماندانا سینماسینین بوتون دیوارلارینا پلاکاتلار قوراشدیرمیشیق و هر کسه سینمادا حجابا رعایت ائتمک اوچون لازیمی خبردارلیق ائدیریک. تاماشاچی خانیملار کوچهدن سینمایا داخیل اولورلار، حتی بعضاً سالوندا حجابلارینی چیخاریرلار. بوتون تاماشاچیلارا نظارت ائده بیلمهمیز ایمکانسیزدیر.
اخلاق پولیسی نظارتینده اولان مهسا امینینین اؤلدورولمهسیندن و قادینلارین مجبوری حجابا قارشی مدنی اعتراضلاریندان سونرا حؤکومت موختلیف اوصوللارلا حجاب قانونونو توپلومدا تطبیق ائتمهیه چالیشیر. بونونلا بئله، سون بیر نئچه آیین موشاهیدهلری توپلومدا مجبوری حجابسیز قادینلارین گئنیش یاییلماسیندان و حؤکومتین ایجباری حجاب قانونونو ایجرا ائده بیلمهمهسیندن خبر وئریر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق