اینقیلاب کئشیکچیلرینه باغلی فارس خبر آژانسی بیر خبر یایاراق ایستیقلال‌ین گله‌جک باش مشقچیسی اولاراق جواد نکونامین آدینی چکیب.
اینقیلاب کئشیکچیلری مئدیاسی جواد نکونامین کئچمیشده ائتدیگی صحولری قبول ائده‌رک و ایلگیلی قوروملارین یاردیمی ایله فوتبولا قاییتماسی اوچون رهبر طرفیندن عفو ائدیلدیگینی بیلدیریب.
بوندان اؤنجه تابناک خبر آژانسی دا علی کریمی‌نین اینستاگرامدا تعقیبدن چیخاریلماسی و اونون بو کئچمیش فوتبولچوسو ایله بیرگه شکلینی سیلمه‌سینی ایستیقلال‌ین باش مشقچیسی اوچون شرط کیمی قئید ائتمیشدی.
اؤنجه‌لر گوونلیک قوروملاری‌نین جواد نکونامین ایستیقلال کومانداسی‌نین باشیندا اولماسینا قارشی چیخدیغی باره‌ده بیلگیلر یاییلمیشدی.
گوونلیک قوروملاری‌نین راضیلیغی و ایسلام جمهورییتی لیدری‌نین عفوی ایله جواد نکونامین ایستیقلالدا مشقچیلیک ائتمه‌یه باشلاماسینا ایجازه وئرمه‌سی کیمی آیرینتیلارین اینقیلاب کئشیکچیلری‌نین مئدیاسی طرفیندن یایلماسی سیاستین بیرباشا ایدمانا موداخیله‌سی‌نین بارز نومونه‌سیدیر. دونیا فوتبول فدراسیونو و فیفا باشقانی جیانی اینفانتینو سون ایللر ایران حؤکومتی‌نین فوتبول ایشلرینه قاریشماسی ایله باغلی سوسور.
یوروم یازماق