تورک فعاللار تبریزین قیزی آدی ایله تانینان گنج قادین رویا ذاکری‌نین تبریزده‌کی رازی روحی خسته‌لیکلر خسته‌خاناسی‌نین قادین شؤبه‌سینه کؤچورولدویونو آچیقلاییب.
خانیم ذاکری‌نین آدینی و بیلگیلرینی ایلک دفعه یایان "دومان رادمهر" چارشنبه آخشامی ۹ آبان ۱۴۰۲-ده اینستاگرام صفحه‌‌‌سینده یازیب کی، او، ان آزی ۶ آبان تاریخیندن بری یئنیدن تبریزده‌کی رازی خسته‌خاناسی‌نین قادین شؤبه‌سینه یئر‌لشدیریلیب.
بو خبره گؤره، تبریز عدلی-طب حکیمی خانیم ذاکری‌نین موعاینه‌‌سیندن سونرا هله ده “بوراخیلماماغی و خسته‌خانایا یئر‌لشدیریلمه‌سینی” گرکلی اولاراق گؤروب.
بو تورک فعالین سؤزلرینه گؤره، بو سببدن تبریزین قیزینی هله ده “زیارت ائتمک قاداغاندیر” و اونون طبی پرونده‌سی رازی خسته‌خاناسی گوونلیگ بؤلومونون نظارتینده‌دیر.
بو، خانیم ذاکری ۲۹ مهر ۱۴۰۲-ده خسته‌خانادان تبریز اطلاعات تجرید‌خاناسینا کؤچورولموشدور.
عینی زاماندا حوقوقچو و وکیل “سینا یوسفی ایکس سوسیال شبکه‌سینده یازیب: بو گون ساوجی‌نین امری ایله او، خسته‌خانادان باغشامالداکی تبریز اطلاعات ایداره‌سینه کؤچورولوب”.
۳۱ یاشلی رویا ذاکری بیلگی‌سایار علملری یوکسک لیسانس معزونودور. ۲۳ مهر ۱۴۰۲-ده تبریزین "منجم" محله‌‌‌سینده " مجبوری حجابی اولمادان اورلدا ایدی کی امر به معروف مامورلاری‌نین هوجومونا معروض قالدی.
اونون دوشدویو وضعيّتدن یورغون و چاره‌سیز قالان بو گنج قادینین ایسلام رئسپوبلیکاسی‌نین لیدئری “الی خامئنئی” علئیهینه شوعارلار سسلندیردیگی ویدئوسو سوسیال شبکلرده مینلرله دفعه یاییلیب و تکرار یاییملانیب.
دوشدویو دورومدان یورغون و چاره‌سیز قالان بو گنج قادین ایسلام جمهورییتی‌نین لیدری علی خامنه‌ای‌یه قارشی شوعارلار سسلندیردیگی ویدئوسو سوسیال شبکه‌لرده مینلرله دفعه یاییلیب و تکرار یاییملانیب.
بو ویدئودا او، تورکجه دئییر کی حبس زامانی ۵ گون آجلیق آکسییاسی کئچیریب.
بوندان اؤنجه بیر خبرده خبر یایمیشدی کی، رویا ذاکری اؤتن ایل مهر آیینین سونلاریندا “قادین، حیات، آزادلیق” حرکاتی زامانی بیر آی حبسده ساخلانیب و حبس اولوندوغو ویدئودا دئدیگی کیمی ۵ گون آجلیق آکسییاسی کئچیریب. او، تبریز ملی بیلیم‌یوردونون قارشیسیندا گوونلیک گوجلری طرفیندن توتولاراق تبریز مرکزی حبس‌خاناسینا آپاریلمیشدی.ایرانین ان کؤتو بیلینن روحی خسته‌خانالاریندان بیری ایدی.
ایسلام جمهورییتی‌نین قوروملاری سون ایللرده اعتراضچیلاری و سیاسی محبوسلاری روحی خسته‌خانالارا کؤچورمکله، اونلاری آلچالتماق، سیخیشدیرماق، ایشگنجه وئرمک و حتی اؤلومه محکوم ائدیر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
ایران‌وایر اوچون یازماق ایسته‌ییرسینیزمی؟
یازیلارینیزی پایلاشین
یوروم یازماق