Təbrizdə yaşayan Türk mədəni fəal, 8 illik İran-İraq savaşı qazısı olan Hüseyn Xudayi Doğu Azərbaycan əyalətinin Apellyasiya Məhkəməsinin 32-ci şöbəsi tərəfindən, irəli sürülən ittihamlardan bəraət alıb.
Apellyasiya Məhkəməsi Cinayət-Prosessual Məcəlləsinin 455-ci maddəsinin “b” bəndinə əsasən irəli sürülən ittihamın elementlərinin təmin edilməməsinə baxaraq, Konstitusiyanın 37-ci maddəsinə əsaslanaraq, Hüseyn Xudayiyə bəraaət verib.
Hüseyn Xudayi məhkəmə prosesi zamanı İslam Respublikası əleyhinə təbliğat aparmaq və ölkənin müxalif qruplaşmalarına üzvlükdə (separatçı qrupa üzv olmaq) ittiham edilib. O Təbriz İnqilab Məhkəməsinin birinci şöbəsi tərəfindən Ərk qrupuna üzv olmaq məqsədiylə ölkənin təhlükəsizliyini sarsıtmaq ittihamı ilə 6 ay həbs cəzası verildi.
Qeyd edək ki, o, dekabrın 8-də təhlükəsizlik məmurları tərəfindən şəxsi mənzilində həbs edilmişdi. İran-İraq müharibəsi qazısı və 40 faiz əlillik dərəcəsi olan Xudayi təhlükəsizlik məmurları tərəfindən saxlanıldığı zaman evində axtarış aparılmışdı.
Şərhlər