زنجان یول پولیسی‌نین رئیسی دئییب: بوگون سحر ساعتلاریندا قئیدار-زنجان یولوندا باش وئرن قضادا ۳ نفر حیاتینی ایتیریب.
سرهنگ محمدعلی عظیمی مهر موخبیری ایله موصاحیبه‌سینده دئییب: بو گون سحر ساعتلاریندا زنجانا گئدن قئیدار اوخوندا یوک ماشینی پژو ۴۰۵ مارکالی مینیک اتومبیل ایله توققوشوب و سونوجدا ۳ نفر حیاتینی ایتیریب.
او، بو قضانین اساس سببی‌نین یوک ماشی‌نینین سولا کئچمه‌سی اولدوغونو بیلدیریب و دئیی سف کی، ایالتین یوللاریندا قضالار آرتیب.
زنجان یول پولیسی‌نین رئیسی دئییب: سوروجولر هر ۲ ساعتلیق حرکت سونراسی یولون گوونلی یئرلرینده ان آزی ۱۵ دقیقه دینجلمه‌لیدیرلر.
عظیمی وورغولادی: تأسف کی، زنجان ایالتی‌نین یوللاریندا ایللر ایچینده اؤلومله سونوجلانان قضالارین سایی آرتیب.
یول پولیس یئتکیلیلری‌نین وئردیگی بیلگیلره گؤره، ۱۴۰۰-جو ایلین ایلک ۷ آییندا ایراندا یول قزالاریندا ۸۲۰۰-دن چوخ اینسان حیاتینی ایتیریب.
ایرانین یول پولیسی اؤلکه‌ده یوللاردا اؤلنلرین ان اؤنملی سببلرینی اینسان فاکتورلاری، یول پروبلئملری و نقليات واسطه‌‌‌لری‌نین تئکنیکی قوصورلارینی آد آپاریر.
یوروم یازماق