نارکوتیکله باغلی اتهاملارا گؤره داها اؤنجه اعدام جزاسینا محکوم ائدیلن علی میلان آدلی محبوسون حؤکمو اورمیه حبس‌خاناسیندا ایجرا ائدیلیب.
جناب میلان داها اؤنجه حؤکمون ایجراسی اوچون رامین شیرزاد و جلال طاهری آدلی باشقا ایکی محبوسلا بیرلیکده اورمیه حبس‌خاناسی‌نین تجریدخانالارینا کؤچورولموشدو. نهایت، جناب شیرزاد و طاهری حبس‌خانایا قاییتدیلار.
بو خبرین یازیلدیغی آنا قدر بو محبوسون اعدامی ایران مئدیاسی و یا رسمی منبع‌لر طرفیندن آچیقلانماییب.
ایراندا اینسان حاقلاری فعاللاری‌نین ایستاتیستیکا مرکزی‌نین ۲۰۲۲-جی ایل اوزره ایللیک راپورونا اساساً، ۵۶۵ نفرین اعدام حؤکمو ایجرا اولونوب. آیریجا، بو ایل اعدام ائدیلنلر آراسیندا ادعا ائدیلن جینایتی تؤرتدیگی واخت یاشی 18-دن آز اولان ۵ نفر وار.
یوروم یازماق