ایرانوایره چاتان خبره گؤره، تبریزده حبس ائدیلن تورک مدنی فعال آراز آمان ۶ گونلوک خبرسیزلیکدن سونرا بازار ائرتهسی اطلاعات ایدارهسینین تجریدخاناسینا کؤچورولدویونو عائلهسینه بیلدیریب.
آراز آمانین بو قیسا زنگده مجهول سؤزلر دئمهسی و داها سونرا تلفونون کسیلمهسی عائلهنین ناراحاتلیغینی داها دا آرتیریب.
آراز آمان ۱۸ بهمن ۱۴۰۲ چارشنبه گونو تبریزده گوونلیک گوجلری طرفیندن حبس ائدیلمیشدی. بو آذربایجانلی تورک فعالین حبسینین سببی و اونا قارشی ایرهلی سورولن اتهاملار معلوم دئییل.
هلهلیک اردبیل، رشت، اورمیه، تبریز، اسلامشهر، آستارا و کرج شهرلرینده تورک مدنی فعاللار مرتضی پروین، ودود اسدی، سالار طاهر افشار، سعید جمالزاده ، باقر حاجی زاده، آیاز سیف خواه، سعید مینایی، کمال نوری، آراز امان، طاهر نقوی وعبدالله واحدی ۱۶-۱۷-۱۸ بهمن ۱۴۰۲-ده گوونلیک گوجلری طرفیندن حبس اولونوبلار. حبس ائدیلن فعاللارین بعضی یاخینلاری بو فعاللارین حبس زامانی گوونلیک گوجلری طرفیندن دؤیولدویونو بیلدیریبلر.
یوروم یازماق