ایران‌وایرین الده ائتدیگی خبره گؤره، مشهد ساکینی بهایی وطنداش نوشین مصباح حؤکم ایجراسی اوچون بازار ائرته‌سی گونورتادان سونرا، ۲۳ بهمن ۱۴۰۲-ده مشهدده‌کی وکیل آباد حبس‌خاناسینا گئدیب.
بو بهایی وطنداش اؤلکه‌نین گوونلیگینی پوزماق نيتی ایله قروپلارا عضو اولماق اتهامی ایله بیر ایل مدتینه آزادلیقدان محروم ائدیلیب.
خانیم مصباحین محکمه اوتورومو بو ایلین آبان آییندا مشهد اینقیلاب محکمه‌‌سی‌نین ۱-جی شؤبه‌سینده حاکم منصوری‌نین باشقانلیغی ایله کئچیریلیب. محکمه باشقانی تقصیرلندیریلن شخصین وکیلی‌نین تقدیماتینی قبول ائتمه‌ییب و محکمه وکیلین و تقصیرلندیریلن شخصین قاتیلیمی اولمادان کئچیریلیب.
ایلکین محکمه‌‌نین قراری ایله نوشین مصباح اؤلکه‌نین گوونلیگینی پوزماق نيتی ایله قروپلاشمایا عضو اولماقدا اتهام اولوناراق ۳ ایل و رئژیمه قارشی تبلیغات آپارماق اتهامی ایله ۸ آی مدتینه آزادلیقدان محروم ائدیلیب.
رضوی خوراسانین ۳۷-جی شؤبه‌سی رئژیمه قارشی تبلیغات اتهامینی اؤنملی دلیل و سندلرین اولماماسی کیمی قیمتلندیریب و برائت چیخاراراق نوشین مصباحی بیر ایل قطعی حبسه محکوم ائدیب.
ایلکین محکمه رضوی خوراسانین ایمکانسیز کندلریندن اولان اوشاقلارا ساوادلیلیق و ساغلاملیق ایلکه‌لرینی رعایت ائتمک کیمی حیاتی باجاریقلارین اؤیره‌دیلمه‌سینی حؤکم چیخارماغا نومونه حساب ائدیر.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق