ایرانین اینسان حاقلاری قایناقلاری‌نین وئردیگی بیلگیلره گؤره، بهایی وطنداش کیوان رحیمیان اینقیلاب محکمه‌‌سی‌نین حؤکمو ایله ۹ ایل حبس، ۶ ایل سوسیال حوقوقلاریندان محرومیت و جریمه جزاسینا محکوم ائدیلیب.
دونن ۲۵ بهمن ۱۴۰۲-جی ایل چارشنبه گونو، بو بهایی محبوس حاقیندا خبرلر درج ائدن اینستاگرام صحیفه‌‌‌سی‌نین آدمینی اعلان ائتدی: “تکرارلانان ۵۰۰-جو ماده‌‌یه گؤره: بئش ایل حبس، آلتی ایل سوسیال حوقوقلاردان محرومیت، ۵۰ میلیون تومن جریمه و ۶۱۰-جو ماده‌‌یه گؤره دؤرد ایل حبس. او ائیتیمدن محروم اولان بهایی گنجلره موعلیملیک جینایتینه گؤره بئش ایل حبس جزاسینی چکدیکدن سونرا ۱۳۹۶-جی ایلده سربست بوراخیلدی."
بو بهایی وطنداش موقدس ایسلام قانونلارینا ضد اولان و یا اونا موداخیله ائدن ائیتیم و یا تبلیغات فعالیتینه گؤره بئش ایل آزادلیقدان محروم اولما، آلتی ایل سوسیال حوقوقلاریندان محرومیت و ۵۰ میلیون تومن جریمه جزاسینا محکوم ائدیلدی. او، اؤلکه‌نین گوونلیگینه قارشی جینایت تؤرتمک اوچون ال بیر اولماق و توپلاشماق اتهامی ایله ده ۴ ایل مدتینه آزادلیقدان محروم ائدیلیب.
تئمییز محکمه‌سینده بو حؤکم تصدیقلنرسه، اونا آغیر جزا، یعنی بئش ایل حبس جزاسی تطبیق اولوناجاق. ایرانین سانال بهایی بیلیم‌یوردو اوستادلاریندان اولان کیوان رحیمیانین اؤنجه‌دن ده ساخلانما و حبس کئچمیشی اولوب. ۱۳۹۶-جی ایلده او، بئش ایل حبس جزاسینی چکدیکدن سونرا کرجده‌کی رجایی حبس‌خاناسیندان آزاد ائدیلدی.
از بخش پاسخگویی دیدن کنید
در این بخش ایران وایر می‌توانید با مسوولان تماس بگیرید و کارزار خود را برای مشکلات مختلف راه‌اندازی کنید
یوروم یازماق