بهایی وطنداشلارا قارشی تعقیب و تضییقلرین گوجلنمهسیندن سونرا اطلاعات ناظرلیگینین تبریزدهکی مامورلاری ۱۹ دی ۱۴۰۲-جی ایل چارشنبه آخشامی گونو بیر سیرا بهایی وطنداشین ائولرینده آختاریش آپاردیلار.
ایرانوایره گلن خبره گؤره، تبریز اطلاعات ایدارهسینین مامورلاری چارشنبه آخشامی عینی واختدا کئچیریلن عملیاتدا ان آزی آلتی بهایی عائلهسینین ائولرینده آختاریش آپاریبلار. بو عملیاتدا اطلاعات ایدارهسینین امکداشلاری طرفیندن ائولرین ساکینلرینه اؤزل دینی کیتابلار و شکیللر، ائلهجه ده بیر سیرا اؤزل اشیالار، بیلگیسایار و موبیل تلفونلار اله کئچیریلیب.
اتهاملار و ائوه باخیشین سببی بارهده هئچ بیر بیلگی یوخدور و مامورلار عائلهلره خبر وئرمهمهلری بارهده خبردارلیق ائدیبلر.
تبریزده بهاییلرین ائولرینین آختاریشی و حبسی هئچ بیر حبس و یا چاغیریشلا موشایعت اولونماییب.
قئید ائدک کی، سون بیر نئچه آیدا اطلاعات ناظرلیگینین مامورلاری یزد، همدان، اصفهان و قائمشهر شهرلرینده عینی اوصوللا (عینی واختدا و اؤلکه داخیلینده) بهاییلرین ائولرینده آختاریش آپاریب و بهایی اینانجینا عاید شخصی اشیالارینین بیر قیسمینی موصادیره ائدیبلر.
از بخش پاسخگویی دیدن کنید
در این بخش ایران وایر میتوانید با مسوولان تماس بگیرید و کارزار خود را برای مشکلات مختلف راهاندازی کنید
یوروم یازماق